Arnaannarnik naalakkersuisoqalernissaa islandimiut kissaatigaat

Isummamik Reykjavikimi nittarsaanissarsuarmi oqalugiaatissani islandimiup Kristín Thomasdottirip sungiusaraa tusaasinnaavarsi. Oqalugiaatissaa eqqarsalersitsisorujussuuvoq, oqariartuutigaami Islandip aningaasarliorneranut angutit pissutaaqataanerat. Kristín Thomasdottirip oqarneratuut, angutit taakkuupput biilinik akisoorsuarnik, assakaasunit sisamanit ingerlatitalissuarnik biileqarnissaminnik nuannarisallit, biilillu taakku atorlugit Reykjavikimi aqqusinikkut pingaarnikkut uteqattaartartut, Islandimiit Islandimullu angalaniarunik taakkuupput timmisartumik namminneq attartortartut, inuunerissaarusungaaramillu qaqugukkulluunniit akiligassarsiuaannartut.

Sunaluunniit angisooq akisoorsuarlu angutit pilerigisarpaat, Krístin Thomasdottir oqarpoq, arnaannarnillu Islandip siunissami naalakkersuisoqalernissaa anguniarlugu, internetikkut naapittarfik Facebook aqqutigalugu arnaqatiminik peqatissarsiornermini arnat maannamut 2 tusindtinit amerlanerusut suleqatissarsiarai, Islandip qaamanerusumik siunissaqarnissaa aningaasarissaarnerulernissaalu sunniuteqarfiginiarlugu anguniarniassagamikku.

Islandimi arnarpassuit siunnersuutertik aqagu saqqummiutissavaat.