Arlariinnik toqutsisoq sivisunerusumik tigummineqassasoq kissaatigineqarpoq
Allattoq Carla Davidsen
Politiit eqqartuussivimmi ullumi dommerimut noqqaassutigilersaarpaat, Kangersuatsiami arlariinnik toqutsisup sapaatip akunnerini sisamani tigummineqarnissaa sivitsorneqassasoq.
Taama oqarpoq politifuldmægtig Klaus Meinby Lund.
Sivitsuinissamik kissaateqarnermut peqqutaavoq, teknikkikkut misissuinerit suli naammassisimannginnerat, taamatullu aamma toqutsisup eqqarsartaatsikkut misissorneqarnera suli naammassineqarsimanngimmat.
Kangersuatsiami arlariinnik toqutsisoqarnera maajip qeqqata missaani pivoq. Arnaq 26-nik ukiulik taassumalu pania arfinilinnik ukiulik toqutaapput.
Angut 23-nik ukiulik toqutsisimasutut pisuutinneqarpoq.