Arlariinnik qinigaaffeqarneq akornutaanngilaq

Folketingimut qinersinissaq sioqqullugu eqqartorneqartut ilagaat, arlariinnik qinigaaffeqarluni sulinerup apeqquserneqarsinnaanera.

Folketingimut ilaasortat, Lars-Emil Johansenip (S) Kuupik Kleistillu (IA)tamanna akornutissaqartinngilaat.

Lars-Emil Johansen oqarpoq, nammineq Inatsisartunut ilaasortaannginnini Folketingimi sulinerup aallunnissaanut periarfissagissaarfiginerusimallugu, taamaattorli Atlantikup Avannaani Suleqatigiiffiat erseqqissumik angusarissaarfiusumillu suliaqarsimasoq, naak suleqatigisani tamarmik allani aamma qinigaaffeqaraluartut. Inuullu nammineq piffissani qanoq aaqqissuunneraa apeqqutaaginnartoq.

Kuupik Kleistip Folketingimut qinigaareerluni, Inatsisartunut qineqqusaarnini tunngaveqarnerarpaa, suliat taakku imminnut attuumassuteqarluinnarnerannik, tamannalu sulinerminut annertuumik iluaqutigisimanerarlugu.

- Soorunalimi qinersisartut namminneq isummissapput isummerusunnertik naapertorlugu, naliligassarli uaniippoq suliat qanoq pitsaatigisumik ingerlanneqarsimanerat nalilissallugu, Kuupik Kleist oqarpoq.