Arlalinnik TV-kanaleqalernissaa sulissutigineqarpoq
KNR-p siunissami digitalimik aallakaatitsisalernissaa siulersuisut ataatsimeeqqammersut eqqartugaasa ilagaat.
KNR-ip siulersuisuisa siulittaasuat Pollas Lyberth oqarpoq, KNR-ip digitalinik atortulersornissaanut pilersaarummut kultureqarnermut naalakkersuisoq, Henriette Rasmussen isumaqataasoq neriorsuisorlu tamatuma aappaagu aningaasanut inatsisissamut ilanngutereerneqarnissaa sulissutigiumaarini.
Politikkikkullu sulinialernissat allannguuteqassanngippata KNR-ip nunarput tamakkerlugu ukiut arlalinnguit qaangiuppata kanalinik tallimanik arfinilinnilluunniit aallakaatitaqalernissaa pilersaarutinngorpoq.
KNR-ip pilersaarutai naammassineqassappata TELE Greenland qanimut suleqatigineqassaaq, TELEmmi
aallakaatitsissutit isumagisussaammagit.
Kanalit sorliit isiginnaarneqarsinnaanersut suli ilisimaneqanngilaq, Pollas Lyberthilli assersuutigai Samit TV-iat imaluunniit naggueqatitta TV-iat APTN.
KNR-ip siunissaanut pilersaarutit, inatsisartut peqqussutaat nutaaq najoqqutaralugu sanaajupput.