Arktisk Station allilerneqassaaq
Købehavn universitetiata issittumi ilisimatuarfittut misissuisarfia Qeqartarsuarmiittoq, Arktisk station, aningaasaliisussanik qulakkeerinnittoqassappat marloriaatinngorlugu allilerneqartussanngorpoq.
- Artisk Stationi aappaagu 2016-mi allineqarnissaa piviusunngortussanngortoq kalerrippaatigut, Kristian Broberg oqarpoq.
Kisianni sanaartornissaq suli qulakkeerneqanngitsoq, Arktisk stationimi pisortap Morten Racsh-ip oqaatigaa.
Suliffissat nutaat
Arktisk Stationip allilerneqarneratigut Qeqertarsuarmiunut suliffissanik nutaanik pilersitsinissaanik, kommunalbestyrelsimi ilaasortaq isumalluarpoq.
Ilisimatuut misissuisarfianni Qeqertarsuarmiunik sulisoqarpoq, angallataanilu inuttat aamma Qeqertarsuarmiuullutik .
- Suliarineqalissappat pinngitsoorani suliffissaqartitsiniarnikkut annertuumik kinguneqartussaavoq. Allilerneqaruni aamma tupinnanngitsunik sulisunik amerlanernik pisariaqartitsisoqalissasoq toqqaannartumik oqaatigineqanngikkaluartoq ilimanarluarsinnaavoq, Kristian Broberg oqarpoq.
Aamma atuaruk Københavns Universitet Issittumi suliarpassuaqarpoq
Aningaasaliisullu iluatsissappata suliap aappaagu aallartinnissaa qilanaarivaa.
- Qilanaareqaarput neriullutalu iluatsilluarumaartoq, Kristian Broberg oqarpoq.
Arktisk stationi issittumi ilisimatusarfittut pilersinneqarpoq 1906-mi. Taannalu Qeqertarsuarmit 1 kilumiiterinik qanitsigaluni, Angakkussarfimmiilluni.