Avatangiisit

Arktisk Kommando isornartorsiornissaat siusippallaarpoq

Tasiilap avataani uuliarluartoqarsinnaaneranik sapaatip akunnera kingulleq tusarlerneqaratta, pinngortitamut, avatangiisinut inatsisinillu atuutsitsinermut naalakkersuisoq Mala Høy Kuko, iluaaginnilluni nalunaarpoq. Taamaakkaluartoq Mala Høy Kúkop Arktisk kommando isornartorsiornianngilai.
Assi © : Arktisk Kommando
Allattoq Paarnaq Hansen, Jonas Fievé
aggustip 24-at 2015 17:37

- Ministereqarfiminngaanit nalunaarusiassaq utaqqivarput. Taassuma oqaatigissavaa siunissami kalaallit nuanitsinni, sumi qaqugulu sillimaniarnersugut, avatangiisinut naalakkersuisoq Mala Høy Kúko taama oqarpoq. 

Tasiilap avataata kujammut-kangiatungaani kilometerinik 350-inik avasitsigisumi uuliaarluertoqarsimasinnaasoq aggustip qulingani qaammataasamit assilisat takutippaat.

Uuliarluartoqarsimasorluni aalisartunit kingusinnerusukkut uppernarsineqarpoq,

Umiarsuaq alapernaarsuut Knud Rasmussen misissuiartortillugu aallartinneqarpoq, aatsaalli ullut tallimat qaangiummata apuulluni. Ullullumi tallimat qaangiutereermata uulia tammareersimavoq.
 
-Soorunalimi taama sivisutigisumik ajortoqarnera ajusaanarpoq, naalakkersuisoq taama oqarpoq nangillunilu,

-Taakkuali atortuutivut angalaarnerat taamannak sukkatigisinnaasimanngillat. Tamanna ajuusaarnaraluarpoq.

Uuliarluarneq kalaallit nunaanniit 3 sømil-nik ungasinnerummat qallunaat nunaanit akisussaafigineqarpoq. Taamaammat aamma Arktisk kommando iliuuseqartuupput. 

-Qallunaat akisussaafigivaat tamanna 3 sømilinik avasitsigisumiikkami. Taamaammat qalunaat taanna suliassarivaat. 

Taanna isumaqarpoq Arkitisk Kommandop iliuusaanut isornartorsiuinissaq siusippallaartoq. Tassalu aatsaat illersornissamut ministeriamiit nalunaarusiaq saqqummiunneqareerpat oqaaseqaateqarniarpoq. 

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk