Naalagaaffiit Peqatigiit naalliutsitsisarneq pillugu aallartitaat, Mafred Nowak, nunatsinni pissutsit pillugit isornartorsiuinera naalakkersuisunut ilaasortap Ark´alo Abelsenip ilisimasakippallaarnermik tunngaveqarsoraa. Persuttaasarnerli pillugu naalakkersuisut iliuusissamittut pilersaarutaat, Mariekathrine Poppelimit aamma isornartorsiorneqarput. Taanna isumaqarpoq Ark´alo Abelsen paasissutissinnikippallaarsimasoq.
Nalunaarusiap nutaap 2009-mi naammassinissaa utaqqinngikkaluarlugu, sulisut persuttaanermut attuumassuteqartunik ulluinnarni suliaqartut assigiinngitsut suleqatigiissillugit maannangaaq qanoq iliuuseqartinneqarsinnaagaluartut, Mariekathrine Poppel isumaqarpoq.
- Inuiaqatigiit persuttaanermut isiginninnerat piaartumik allanngortittariaqarpoq, persuttaasartullu katsorsarneqarnissaat aqqutissiuunneqartariaqarluni, Mariekathrine Poppel oqarpoq.