Ark'alo Abelsen: Nunarput ilisimaneqarnerulerpoq

Naalagaaffiit Peqatigiit sila pillugu ataatsimeersuartitsinerat inerniliineqaranilu ullumi naammassissaaq, Nunattalu peqataatitaata, Avatangiisinut naalakkersuisup Ark’alo Abelsenip naliliinera naapertorlugu, Nunarput ataatsimeersuarnermit pissarsiaqarluarpoq.
Allattoq Mads Lynge
decembarip 14-at 2007 12:20

- Ingerlariaqqinnissatsinnut nunarsuarmioqatitsinnut ersarinnerujussuanngorpugut. Inunnik naapitseqattaarnitsigut Balimilu ataatsimeersuaqataanitsinni nunarput ilisimaneqarnerulerpoq. Ilisimasanik paarlaasseqatigiinnikkut ingerlariaqqissinnaanngorpugut, nunarsuarmioqatigiinnilu allorassaaqatigiinneruleriartortoqarpoq. Nuannersorujussuuvoq taanna malugalugu, Sila pillugu Naalagaaffiit Peqatigiit Indonesiap qeqertaasa ilaanni Balimi ataatsimeersuartitsimmata Nunarput sinnerlugu peqataasoq, Avatangiisinut naalakkersuisoq Ark’alo Abelsen Iterluarnaamut ullaaq taama oqarpoq.

Inuit 6000-it sinnerlugit ataatsimeersuaqataapput, nunat peqataatitaqartut 189-iupput, nunallu peqataatitaqartut saniatigut suliniaqatigiiffiippassuit aamma peqataatitaqarlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq