Arkalo Abelsen: Aningaasat nassaarineqassaqqaarput
Eqqarsartaatsimikkut napparsimasut nunatsinnut tikeraartarnerat taamaatinniarneqanngilaq
-Soorunami aningaasat nassaarineqassapput,
taama naqissusiivoq Peqqinnissaq pillugu Naalakkersuisoq, Arkalo Abelsen.
-A1-iminngaaniit aammalu Århusimi nakorsaanerit peqatigalugit upernaaq nalilersuineqarpoq:
Qanoq isikkoqarpa, ukioq manna nunatsinnukartussatut piukkunnartoqarpa? Taassuma nalilersuinerup nalaani Århusi A1-ilu peqatigiillutik ima naliliipput:
-Naami, massakkorpiaq taama isikkoqanngilaq.
Taava aningaasat sipaarneqarsinnaapput.
Kisianni ukioq manna takkuttoqassagaluarpat oorit taakku nassaareriaannaapput, pisarnertuullu taakku angalanissaat aaqqissuunneqarluni, Arkalo Abelsen oqarpoq.
Angalasussat marluk ukioq manna piukkunneqarput, angalasinnaasutut nalilerneqarlutik. Taakkulu soorunami sulisutik ilagalugit aningaasassaqartinneqartut Arkalo Abelsen naggasiivoq.
