Arina Arctica Tunumi ikkarlippoq
Umiarsuaq containerinik assartuut, Arina Arctica, Danmarkshavnip kujataatungaani sømilit 60-it missaanni ungasitsigisumiilluni Shannonip Qeqertaata nalaani ippassaq unnukkut ikkarlippoq.
aggustip 05-at 2009 11:50
Arina Arctica sikusiorluni arritsumik ingerlaartilluni Danmarkshavniliartilluni ikkarlippoq.
Ulimmalli nammineerluni ullaaq kaanngarpoq.
Royal Arctic Line ilisimatitsivoq inunnik ajoqusertoqanngitsoq, allamillu ajoqusertoqarsimanngitsoq.
Kalerritassat tamarmik kalerrinneqareerput.
Nakkutilliissut Hvidbjørnen eqqaaniippoq, umiarsuullu naqqa aqqartartumit nalunaaquttap akunnerisa 24-t ingerlaneranni takuniarneqassaaq.
