Arhusimi qaartitsisoqarpoq
Århus avannarpasinnerusortaani biilit uninngavianni ullaaq manna qaartitsisoqarpoq.
Allattoq Louise M. Kleemann
Biili aallartinneqarami ikuallalersimavoq qaartitsinermilu illorsuarmi igalaat 22-t aserorput biilillu arfinillit ajoquserneqarlutik. Qujanartumillu inunnik ajoqusertoqanngitsoq poltiit oqaatigaat.
Biilimut piginnittoq pinerluttunik isumaginnittoqarfimmut Pension Skejbymut, attuumassuteqartoq, Århusimi politiit nalunaarutigaat.
Biilit uninngaviat qaartartunik piiaasartunit Skivemi sakkutuut sungiusartarfianneersunit ungalulersorneqartoq, politiit Danmarks Radiomut oqaatigaat.