Arfiviunasorisaq tunnulissuaavoq
Piniartut sisamat Pinngortitaleriffimmiillu biologit marluk peqatigiillutik nalunaaqutsersuinerminni arfiviinasorisartik naammattoorpaat. Arfeq malersortillugu piniartut malugaat malersugartik arfivittut pissusilersunngitsoq. Arfeq, 15 meterit missaannik takissuseqarpoq, imalu qanillitigineqarsinnaasimavoq allaat mattamernganik tigusisoqarsinnaasimalluni, aammalu qaammataasakkut aallakaatitsissummik ikkussivigineqarsinnaasimalluni.
Tunnulissuaq taanna USA-mi nalunaarsorneqarsimanersoq misissorneqareerpoq.
Tunnulissuaq nunatta kitaata sineriaatigut Atlantikullu Avannarpasissortaatigut malinnaaffigisinnaaffigineqarsinnaavoq.