Arfivik tingerlaataannarsortup qaani

Nunatsinni angallatit kisimik arfernit angisuunit qaninngarneqarneq ajorput. Sydafrikami sapaatiummat arfivik tingerlaataannarsortup qaavanut qaqivoq.
Allattoq Jaaku Lyberth
juulip 22-at 2010 07:33

Immami angalasut arfermit qaninngartittut ippassigami Ilulissat eqqaani pisoq oqaluttuaraarput.

Suli ingasannerusumik pisoqarpoq Sydafrikami, arfivik angallatip tingerlaatillip 11 meterinik takissusillip qaavanut pivoq, angallatillu atortui qaavaniitut aseruatiterlugit.

Angallatip aquttua Ralp Mothes arfivik angallatip qaavaanut pimmat ajoqusinngilaq. Angallataat nuannaariut tingerlaatilik sisammik sanaajugallartillugu annertunerusumik ajoqusinngilaq.

Angallatip napparutaa angallatillu atortorissaarutai 50.000 koruunit sinnerlugit akeqartut aserorput.

Arfivik arferit nungutaanissaannut aarlerinartorsiortut ilagaat.

Angallat ajoquserneqartoq inatsisit uniorlugit piaaraluni arfivimmut qanillattorsimanersoq, Sydafrikami avatangiisit illersorneqarnissaannut pisortanit misissuiffigineqarpoq. Arfiviup angallatip qaavanut pinermi kingorna ingerlaqqippoq, takuneqaqqissimananilu.

Arfiviup angallatip qaavaanut pineranik asseq http:www.dr.dk-imi takuneqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq