Arfiviit ilisimatuunngoriasaartut
Arfiviit 21-t issittumi ilisimatuunngoriasaarput. Ilisimatusarfinni ilisimatuut ilinniarsimasut akissarsiakkaanut sanilliullutik akeqanngitsumik sullissipput, akissarsiassatuaralugu uumasuaqqanik naasunillu immap ikeraniittunik tonsitut oqimaatigisunik nerisaqarneq.
Arfiviit nalaatsornerinnakkut Pinngortitaleriffiup nalunaarsuinerata nalaani Qeqertarsuup Tunuaniinerminni apriilip qaammataagaa sulilersinneqarput.
Taavani biologit arfiviit sumiissusersiutinik ikkussuiffigaat qaqugukkut aqqartarnersut, qanoq ititigisumittarnersut kiisalu qanoq sivisutigisumik aqqaamasarnersut paasiniarlugit.
Immikkut illuinnartumik sumiissusersiummik attataqartariaqarnerat nutaatut oqaatigisariaqarpoq. Sumiissusersiutip uumasuaqqat naasullu immap ikeraniittut soorpiarneri arfert nerineqarnerisa nalaanni uuttortartassavaa.
Biologit taamaalillutik qaqugu sumilu uumasuaraqarnersoq naasoqarnersorlu immap ikeraniittunik malinnaavigisinnaalissavaat.
Aammalu silaannaap allanngorarnerata immami uumasoqatigiit qanoq sunnerneqarneri biologinit malinnaaffigineqarsinnaalerput.
Issittumi ilisimatuut peqatigiiffii suleqatitik akissarsiaqanngitsut malinnaavigineqartuartut nerinerullu nalaani misissugassanik tunniussisartut pillugit qanoq isumaqarnersut Radioaviisip uuma suliarineqarnerata nalaani pissarsiarisinnaanngilagut.
