Arfiviit amerlanipilussuupput

Canadami misissueqqissaaqqammernerup takutippaa sikuiuitsumi avannarlermi arfiviit 20.000 – t 40.000-tillu akornanni amerlassuseqartut.

Nunavumi piniartut naammattunik sikuiuitsumi avannarlermi arfiveqartoq ukiorpassuarni anneruniutigisarpaat, upperiumaneqaratilli. Canadami ilisimatuut 90-sikkut ingerlasut, ukiut ilaanni arfiviit 3-400-t missaanni amerlassuseqassasut taggittarpaat ukiunilu allani 3000-iunerartarlugit. Misissueqqissaaqqammernerulli takutippaa sikuiuitsumi avannarlermi arfiviit 20.000 – t 40.000-tillu akornanni amerlassuseqartut. Canadami aaliarnermut ministereqarfimmi ilisimatuut pisortaata Pierre Richardip nassuerutigaa Canadami inuit eqqortumik oqaluttarsimasut. – Arfiviilli amerlanerunerarlugit inuit oqaraangata assortortarpagut taamani ilisimatuussutsikkut uppernarsaatissaqarnikuunnginnatta, Richard oqarpoq. Nunavumi inuit ukiuni kingullerni ukiumut arfivimmik ataatsimik pisassinneqartarput paasisalli kingulliit naapertorlugit ukiumut 18-t 90-sillu akornanni amerlatigisut pisassiissutigineqartalersinnaassasut oqaatigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat