Arfininngorpat Nuummi gaypride
Kingusinnerusukkut Nuup aqquserngisigut ingerlaaqatigiittoqarniarpoq ukiunilu siuliini ingerlaqatigiit assigiinngitsunik pissusilersortarput. Suiaaqatiminnik atoqateqartartut Kalaallit Nunaanni atukkatik ulloq taanna malunnartinniarniarpat. Gaypride-lu nunani allani ingerlanneqaraangat qalipaaterpassuit atorlugit assukkersortoqartarpoq. Naak silassaq pitsaanerpaajunngikkauartoq gaypride 2012-mik aaqqissuisut neriuutigaat ukiuni siuliinitut iluatsilluartigisumik aaqqissuussiumaarlutik.
Ulloq taanna kingusinnersukkut Danmarkimi suleqatigiit ”Gå-ud-gruppen”-imik taagortut paasisitsiniaaniarput suiaaqatiminnik atoqateqartartut atugaat pillugit ualikkullu Katuami aamma aaqqissuussisoqartussaavoq.
Unnukkut nuannaneqarniarpoq Katuami aliikkusersuisoqarlunilu diskomik qitittoqassammat. Matut nalunaaqutaq 19.00 ammassapput unnuap qeqqatalu tungaanut aaqqissuussineq ingerlassaaq.
Arfininngornermi pisussaq alla tassaavoq NAPA assiliinermik aaqqissuussinissaa Gay Greenlandimik taallugu. Tassani inuit kiinaat sapinngisamik amerlasuut assilineqassapput tassanilu assilisat Nunani avannarlerni nunanilu allani saqqummersinnissaat siunertaavoq.
Aajuku pisusat:
Ammaanersiorneq nal. 12:00
Borgmester Asii Chemnitz Narup oqaaseqassaaq, Katuami biilit unittarfianni.
Pride parade nal. 12:15 - 13:00
Nuup qeqqatigut ingerlaaqatigiinneq, Katuap eqqaaniit aallarnerlugu.
LGBT paasissutissiinermik nerriveqartitsineq nal. 13:00 - 16:00
Gå-ud-gruppen (DK), Katuap paarlersuani
Isiginnaagassiaq nal. 15:00 - 16:00
Nuka Tha Diva - 5ifty 5ifty (GL), Katuami Hans Lyngep inersuani
Lebbe Love - isiginnaagassiaq nal. 16:00 - 17:00
Café-mi isiginnaartitsineq, arnaqatiminoortarneq pillugu.
Takutitsineq, qitik & DJ party nal. 20:00 - 24:00 AKIA 50 kr.
Rosa Lux (DK), Uyarakq (GL), Derrick Barry (US), Nuka Tha Diva (GL), N.A.I.P. (GL) il. il.
Matut ammarneqassapput nal. 19:00, akianullu ilaalluni imigassaq tikilluaqqusissut.
Gay Greenland assiliineq nal. 20:00 - 24:00
Gay Greenland tassaavoq kalaallit nunaani piviusumik ingerlasoqarneranik nunanut avannarlernut paasissustissiineq, taamatuttaaq pisut assigiinngitsut kiinnerfiginiarlugit. Neriutigaarput inuppassuit ilisaritissasut oqaluttuarlutillu, taamaasillunilu Gay Greenland Nunani Avannarlerni nunarsuatsinnilu allani saqqummersitsinermik kinguneqarsinnaanngortillugu.
