Arfininngorneq timersorfiusoq: Tour de France aamma arsaanneq

Sikkilerluni unammersuarneq, Tour de France ullumi Hollandip illoqarfiisa ilaanniit Rotterdamimit aallartippoq, taannalu prolog 8,9 kilometerisut isorartutigaaq.
Allattoq Apollo Jeremiassen
juulip 03-at 2010 16:47

Team Saxo Bank aallartilluarpoq. Siorna prologimi aamma ajugaasoq, Fabian Cancellara ullumi ajugaavoq, tassalu Tour de Francemi siuttuugallalerluni.

KNR-TV-kkut aqagumiit ullut tamaasa, juulip 24-at ilanngullugu, Tour de France isiginnaarneqarsinnaavoq.

Ullumi nunarsuatsinni arsaallutik pissartanngorniunneranni Semifinale-mut anngunniunnermi Tysklandip Argentinallu unammineranni Tysklandimeersut ajugaapput 4-0-mik.

Aatsaaqqinnaaq unammisut Spanien aamma Paraguay pissanganaqisut naammassipput. Ilaatigut mumereernerup kingorna nunat taakku arsaattui tamarmik strafferlutik isertsitseriaraluarnermi kingorna isertsitsinngitsoorput. Arsaannermi minuttit 83-issaanni Spaniamiuni David Vella isertitsivoq, taamaalilluni Spanien Semifinalimut annguppoq. Pingasunngorpat Spanien Tysklandimut unammissapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq