Arfineq-pingasut HIV-mik tunillatsissimasut
Nunatta nakorsaanerata Henrik L. Hansenip nunatsinni HIV-mik tunillaassuuttoqalersinnaanera aarleqqutigaa.
Nakorsaaneq sermitsiaq.ag-mut taama oqarpoq.
HIV-mik tunillanneqarsimasutut nunatsinni 2019-mi nalunaarsorneqartut arfineq-pingasuupput. Arfineq-pingasut amerlavallaarsorinanngikkaluartut, tunillaassuuttoqalersinnaanera nakorsaanerup aarleqqutigivaa.
HIV-mik nunatsinni tunillaassuuttoqalersinnaanersoq nakorsaaneq Henrik L. Hansen AG-mit aperineqarami ima akivoq:
- Tunillaassuutoqaleriataaarsinnaasoraara, kinguaassiuutitigummi nappaatinik massakkut tunillaassuuttunik annertuallaartumik nalaataqartarpugut.
Nunatsinni HIV-mik tunillatsissisimasut 78-iusut, nkorsaaneq oqarpoq.
Tunillanneqarsimasutullu 2019-imi paasineqartut 20-kkunnik ukiulinnik arnartaqarput.
- Inuusuttunik arnartaqalersimanerat tusarnartaavoq, Henrik L. Hansen sermitsiaq.ag oqarpoq.