Arferup neqaa tonsingajak eqquteriarneqartoq
Kalaallit Danmarkimiittut inatsisinik unioqqutitsillutik arferup neqaanik Danmarkimut eqqusseriarsimapput.
Københavnimi kalaallit kalaalimernik nassiussarsisartut klubbiani ilaasortat akuersissutinik eqqortunik peqqaaratik arferup neqaanik 900 kilonik Aalborgemi umiarsualivik aqqutigalugu Danmarkimut eqqusseriarsimasut, aviisi Nordjysk Stiftstidende taama allaaserisaqarpoq.
Arferup neqaa 900 kilo qaammatit arfinillit matuma siornagut nassiunneqarsimavoq, nassiussarsisuuppullu kalaallit Københavnimiittut 800-it missaanniittut.
Københavnimi kalaaliminernik nassiussarsisartut klubbianni ilaasortat, illu kateriffiat tassaavoq arfernik qalaassisarfitoqarsuusimasoq Tranhuset.
Kalaaleqatigut arferup neqaanik eqqussiniarnermini inatsisinik unioqqutitsinissamik siunertaqarsimagunanngitsut Royal Arctic Linep immikkoortortaqarfiani pisortaq Bente Kruse oqarpoq.
Niels Kruse eqqussinermik aaqqisuisuusoq oqarpoq kalaalimernik Danmarkimut eqqussinissami periusissat tamaasa malillugit iliorsimalluni, nassitsisorligooq immaqa paatsuugaqarsimassasoq.