Arfernik kisitsineq nutaaq aallartippoq

Pinngortitaleriffiup arfernik anginernik tikaagullinnillu nutaamik kisitsinini kingullermik ataasinngormalli aallartippaa.

Kalaallit Nunaat arfanniarneq pillugu ataatsimiititaliarsuarmi IWC-mi ilungersunartorujussuarmik inisisimavoq, nunatsinni arfarit amerlassusaasa uppernarsaasiorniarnerat ajornakusoortuarsimammat. Tamanna pillugu kisitsineq nutaaq maanna ingerlanneqartoq Emma Kristensen, Pinngortitaleriffiup avammut paasissutissiisartua nassuiaavoq.

- Nunarput IWC-mi najummassimanartorujussuarmik inissisimavoq. Tassa 2003 2004-milu timmisartoq assiliissutitalik atorlugu kisitsinerit ingerlanneqarput taakkunanilu tikaagulliit kisinneqartut ikittuaraanikuunerat naammaginartinneqanngilaq. Taamaattumik ukioq 2007-mi nutaamik pisassiissuteqartoqaqqinnissaa eqqarsaatigalugu periutsit assigiinngitsut atorlugit maanna kisitsisoqarniarpoq.

Kisitsinerit tutsuiginarnerusut anguniarlugit umiarsuakkut takusat timmisartumillu assiliinani takusalli naapertorlugit maanna ingerlanneqassapput.

- Periutsit assigiinngitsut atorsimagaanni nangaassutaasinnaasut millisarniarneqarput. Neriuppugullu arfernik amerlanerusunik tamatumuuna takunnittoqassasoq, Emma Kristensen oqarpoq.

Ukioq manna kistsinernit aappagu qanoq isilluni kisitsisoqarnissaa aamma nalilersorneqassaaq.

Ukioq manna kisistsinermit angusat aapaagu IWC-ip ataatsimeersuarnissaanut saqqummiunneqassapput.

Arfernik kisitsinermi aallartereersumi timmisartoq suluusalik atorneqarpoq, arfernillu kisitsinermik immikkut ilisimasallit kisitsinneqarlutik, Qeqertarsuup tunuaniit kujataa ilanngullugu kisitsiffigineqassaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat