Arfernik kisitseriaatsip nutaajunera isornartorsiuinermut tunngavigitinneqarpoq

Arferit pillugit koreami kujallermi ataatsimeersuarnermi, Pinngortitaleriffiup arfeqassutsimik kisitseriaasia isornartorsiorneqarpoq.

- Timmisartoq atorlugu arfernik kisitsisarneq IWC-p iluani nutaajuvoq, taamaattumik ukioq manna immikkut isornartorsiuinerit annertunerusimapput,

Pinngortitaleriffimmi tusagassiisartoq, Emma Kristensen oqarpoq.

Emma Kristensenip aamma oqaatigaa, arfernik kisitsisarnermi iluatsitsinissaq silap qanoq issusiata killilertaraa, anorlernerata pujorneratalu kisitsineq ajornakusoortissinnaasarmagu.

Arferit takuneqartut, naatsorsuusiornikkut amerlassusiliineq, kiisalu arfeqatigiiaat suminngaanneernerisa assigiinngissuteqarneri ilanngullugit Pinngortitaleriffimmit erseqqissaatigineqarpoq. Taamaalilluni arferit qanorpiaq amerlatigineri ilisimaqqissaarneqanngitsoq oqaatigineqarluni.

Aalisarnermut Piniarnermullu Naalakkersuisup, Rasmus Frederiksenip, kisitsinissamut aningaasanik 4 millioni koruuninik ujartuiniarnera, Pinngortitaleriffimmit kisitsinerit amerlanerit ingerlanneqarsinnaanissaannut iluaqutaassangatinneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat