Arfermik Danmarkimut pisoqaqqippoq
Tamatumuuna niisa meterit aappaata affaanik angissusilik, kuummi Halkær Å-mi Jyllandip avannaani Limfjordimut kuuttumi toqungasoq nassaarineqarpoq.
Allattoq Elisa Isaksen
septembarip 18-at 2010 16:10
DR-ip nittartagaani taama allaaserinnittoqarpoq.
Angut niisamik nassaartoq Jørgen Sloth, ernerminut sianerpoq oqarlunilu kuummi niisamik takusaqarsinmannguatsiarluni. Tamanna ernerata upperiumanngikkaluarpaa oqarlunilu niisa tassaasimassasoq pullattagaq pinnguaq.
- Gummimit pullattagaanissaa ilimanaateqannginnami, naqikkaluarakkumi manngertuinnaagami. Paasivaralumi ilumoortuusoq, Jørgen Sloth oqaluttuarpoq.
Taanna isumaqarpoq, niisa meterit aappaata affaanik angissusilik 40 kiilunilu oqimaassusilik eqalunnik malersuitilluni kuukkut majorsimassasoq. Kuukkullu
ammukaqqinneq ajulerluni.
Niisa Kertemindemi ilisimatusarnermut misigisassarsiornermullu ingerlatsivimmi Fjord & Bæltimi maanna misissoqqissaarneqartussanngorpoq.
