Arferit pillugit ataatsimeersuarneq aallartingajalerpoq

Arferit pillugit ataatsimeersuarneq, majip 28-iani Alaskap illoqarfittut pingaarnersaani Anchorage-imi, Hotel Captain Hook-imi aallartinneqalerpoq.

Arfanniartarnermut akerliusut illersuisullu, IWC-mut ilaasortat 59-ississaanik ataatsimeeqatigiittussaapput.

Eqqartorneqartussanut ilaassaaq uumasut inuulluarnissaat aammalu nungusaataanngitsumik piniartarneq.

Danmarkimiit aallartitat, Kalaallinik Savalimmiomiunillu ilaqassapput.anguniarneqartussallu ilagissavaat, ukiuni tulliuttuni tallimani, Kalaallit Nunaata ukiumut arferup neqaanik 670 tonsinik pissarsisinnaatitaanissaa.

Kingullermik arfattassiinermi, katillugu arferup neqaanik 540 tonsinik Kalaallit pissaqartitaasimapput, danskillu aallartitaasa misissuititsisimanerminni paasisimavaat, arferup neqaa 130 tonsi suli pisariaqartinneqartoq. Arfernik Kalaallit Nunaannut pisassiisarneq, nunat inoqqaavisa pisariaqartitaanik aallaaveqarpoq. IWC-mut ilaasortaasut 75-iusut, aningaasarsiutigalugu arfanniartarnermut tunngatillugu avissaartuulluinnarsimapput.

Kalaallit Savalimmiomiullu pisariaqartitai aallaavigalugit, danskit IWC-mi taasisarput, tassalu nammineq nunagisami neqi pisariaqartitaq, aningaasarsiutigalugu arfanniartarnermi akuerseqataasarneq Danmarkip akuerseqataafigalugu taaseqataaffigisarpaa, taama ritzau allappoq.