Arferit minnerit siullerpaamik kisinneqarput
Siusinnerusukkut arfernik taakkunannga Kalaallit Nunaata imertaani kisitsisoqarnikuunngilaq.
Rikke Guldborg Hansen misissuinermik ingerlataqartoq 7. maj pitsaanerpaamik angusaqarluni biologitut ilinniakkaminik arfernik ilisimasalittut naammassinnippoq.
Pisanik nalunaarsuiffik Piniarneq malillugu niisat ukiumut pisarineqartut annertuumik ikaleriarsimapput, tassa ukiumut 3.000-it missaaniillutik.
Niisarnat pisarineqartarnerat akuttugaluartoq pisarineqaraangamik ataatsimoortukkaat 100-t tungaanoortut pisarineqartarput.
Aarluarsuit ukiumut pisarineqartartut ikinnerupput tassa 30-it missaannaani pisarineqartarmata.
Niisarnat aamma aarluarsuit Kalaallit Nunaata kitaani uumasuusut atlantikup avannaani uumasuusut amerlasuut ilagaat, Kalaallilli Nunaanni pisaasartut ikeqimmata peqassutsimut malunnaateqarneq ajorput.
