Arferit Indonesiami tipisimasut
marsip 20-at 2006 07:14
Arferit mikisut suuneri erseqqissumik taaneqanngitsut, tamaattorli 5-8 meterinillu takissusillit, 93-it kangiani Asiap immikkoortuani Indonesiami sissamut majorassimasut, taakkunanngalu 50-it ippassaq toqusimasut, nutaarsiassaqartitsivik Ritzau tusarliussivoq.
Arferit uumallutik sissamut tipisimasut ilaat 40-it imaanut avalatseqqinneqarsimapput, sumulli ingerlaneri malinnaaffigineqanngitsut Indoniasiami politiinit oqaatigineqarpoq.
