Arferit Atlantikup kujasinnerusortaani eqqissisimaarfigisinnaasaannik pilersitsisoqarnissaa Danmarkip IWC-p ataatsimiinnerani akerlilerpaa.
Argentinap aamma Brasiliap tamanna siunnersuutigigaluarpaat, IWC-mili ilaasortat akornanni amerlanerussuteqartunit akuersaarneqarani.
Ilaasortat 75 procentii akuersiteqqaarneqartussaapput.
Arferit Atlantikup kujasinnerusortaani eqqissisimaarfigisinnaasaannik pilersitsisoqarnissaannut siunnersuut taasisitsissutigineqarmat 39-t akuersinngillat, 29-illu akuersillutik. Nunat pingasut taaseqataanngillat.
Danmarkip siunnersuummut akerliliinera, nunatta arfattassiissutissaanut sunniuteqarsinnaavoq:
- Kalaallit Nunaata amerlanerusunik arfattassineqarnissaannut Danmarkip kissaataa taasinermi uani innarlerneqarpoq, Frode Pleym, Greenpeace-meersoq nutaarsiassaqartitsivimmut Ritzau-imut oqarpoq.