Tuluit ilisimatuut tunnulissuarnik, tikaagulliusaanik kigutilissuarnillu Californiap Kangerliumanersuani misissuinerminni ilaatigut arferit mattaanni pullaqinnernik naammattuuipput.
Pingaartumik tunnulissuit, qaamasumik mattaqartut, uuararsimasut naammattoorneqartut, ilisimatuunut atuagassiami Proceedings of the Royal society B-mi allaaserisaqarpoq.
- Tunnullit mattammikkut ajoquteqarnerisa annertusisimanerat ernumanartortaqarpoq, sunali peqqutaanersoq maannangaaq oqaatigisinnaanngilarput, misissuinermi aqutsisoq, Laura Martinez-Levasseur oqarpoq, nangillunilu:
- Ozonip millisimanera nuissalluunniit allanngorsimanerat immaqa nassuiaatissaasinnaavoq, Laura Martinez-Levasseur oqarpoq.