Arferit 508-t usigalugit tulaannaleqaat
Japanimiut umiarsuaataat arfanniut ”Nisshin Maru” Qalasersuaq Kujallermeereerluni Tokyo-mut ullumi utissaaq.
Arferit 508-t usigineqarput, ilisimatusaatigalugulu misissuiffigineqareerpata nerineqarsinnaalissallutik.
Japanimiut aningaasarsiutigalugu arfanniaqqusaanngillat, taamaammallu ilisimatusarnermik taallugu arfanniartarlutik.
Tusagassiortut allallu Japanimi oqartussanit umiarsualivimmukarsinnaatitaassanngillat. Umiarsuarmi assortuussutaaqisoq assortuussutaaqisumik angalaqqammerpoq.
Arferit 860-it pisarineqarnissaat pilersaarutaasimagaluarpoq, marsillu qaammataata naanerani aatsaat tikittussaasimagaluarluni.
Inuttaasorli ataatsip ajunaarsimanera pissutigalugu ”Nisshin Maru” utiinnartariaqarsimalluni.