Arfeq navianartorsiortinneqarpoq

Qeqertap Sakhalinip, Kangiani Ungallermiittup eqqaani, immap naqqani sajuppillatsitsisarluni Ruslandip misissuinini kinguartissagai, nunat killiit aqqaneq marluk naalakkersuisuisa allagaqarlutik kajumissaarutigaat.
Allattoq Elisa Isaksen
juulip 19-at 2010 05:24

Uuliasioqatigiiffiup gassisioqatigiiffiullu Rosneftip misissuinermigut, tamaani immap naqqata ataani uuliaqarnersoq gasseqarnersorluunniit misissuinertigut paasiniarniarpaa.

Sajuppillatsitsilluni misissuinermi immap naqqani qanngortitsisarnertigut arferit ilaat gråhval, nunarsuatsinni arferni nungutaanissamut aarlerinartorsiornerpaasoq ajoqusersinnaagaa oqaatigineqarpoq.

Arferit tamakkua Manerassuup avannaata kitaaniittut 130-iinnanngorsimanerarneqarput. Arferit juulimi neriniarlutik Sakhalinip eqqaanukartartut, Pinngortitaq pillugu nunarsuaq tamakkerlugu suliniaqatigiiffik WWF ilisimatitsivoq.

- Arferit gråhvalit kippasinnerusumiittut ikilisimaqaat. Neriniarfigisartagaani pingaarnerpaami immap naqqanik sajuppillatsitsisarnikkut, piaqqisartullu piaqqaminnik paarsiitigalutik nerisassarsiornissamik ilinniartitsinialeruttornerini ajoqusersorneqarpata, tamanna ikilinerunerannik kinguneqarsinnaavoq, Wendy Elliot WWF-imeersoq oqarpoq.

Taamaattorli uuliasioqatigiiffiup Rosneftip taamatut kajumissaarneqarnini malinnialersaanngikkaa, Pinngortitaq pillugu nunarsuaq tamakkerlugu suliniaqatigiiffik WWF ilisimatitsivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq