VIDEO Arfattassiissutigineqartut piniartunit pilerigineqanngitsut
- Soqutiginaraluarput, kisianni tuniniarnissaat ajornakusoorami. Asuli asiutitsiinnarusunnata piniarusunngilagut, Aasianni piniartoq, Erneeraq Jeremiassen, KNR-imut taama oqarpoq.
Politikkikkut iliuuseqarfigineqartariaqartoq
Arferillu neqaat tunineqarsinnaanngikkaangata igiinnarneqartariaqartarput. Tamannalu pissutigalugu Erneeraq Jeremiassen arfanniarnissani orniginartippallaanngilaa. Ilulissani aalisartut piniartullu peqatigiiffianni IAPP-mi siulittaasup tamanna paasilluarsinnaanerarpaa.
Aamma atuaruk Arfattassiissutit KNAPK-mi nuannaarutigineqartut
- Aasakkut, juulikkunni, neqi asiujasuuararsuuvoq, sualummik qaleriissaarneqalaarluni. Isumaqarpunga tunitsiveqartuuppat, ingerlaannaq tunineqarluni ,taavalu qeritiaarneqarluni, taava neqi annerpaaq annaanneqarsinnaagaluarpoq.
- Nalunngilarput Europamit neqerpassuit tikisinneqartartut, kisiannili uagut neqaatigut avammut ingerlassinnaanagit. Isumaqarpunga tamanna politikkikkut aaqqinneqartariaqartoq piaartumik, Peter Olsen, IAPP-mi siulittaasoq oqarpoq.
Aamma atuaruk Nunatsinni arferit 207-it pisarineqarsinnaasut IWC-mi akuersissutigineqarpoq
Avammut nioqquteqarnerup iliuuseqarfigisariaqarnera Erneeraq Jeremiassenip tikkuarpaa.
- Inuinnaat arferup neqaanik piserusuppaallaanngillat, piniartoq oqaluttuarpoq.
Nunat tamalaat arfanniarnermut ataatsimiititaliarsuata pisassiissutigisai tassaapput:
Kitaanut:
• Tikaagulliit 164-it
• Tikaagulliusaat 19-it
• Qipoqqaat 10-t
• Arfiviit 2
Tunumut:
• Tikaagulliit 12-it