Arfattassiisoqanngitsoorsinnaanera KNAPK-mit ernummatigineqarpoq

Arfanniarneq pillugu Ataatsimiititaliarsuaq maajip juunillu qaammataani Madeirami Portugalimiittumi ataatsimeersualerpat, Nunatta arfattassinneqanngitsoorsinnaanera aalisartut piniartullu kattuffiannit KNAPK-mit ernumanartinneqarpoq.
Allattoq Jaaku Lyberth
marsip 05-at 2009 05:28

IWC nunanit 86-init ilaasortaaffigineqarpoq, ilaasortallu affaat sinnillit arfernik annernik pisassiinissaq akerleraat, naak nungusaataanngitsumik arfanniartoqarsinnaanera ilisimatuussutsikkut misissuinertigut ajornaquteqanngikkaluaraangalluunniit. Nunat amerlanerpaat, misigissutsit aallaavigalugit arfanniarneq sunaluunniit akerlerisarpaat. Tamanna KNAPK-p toqqissisimanartinngilaa, ingammik nunat EU-mut ilaasortaasut ataatsimoorlutik taasisalernerisa kingornagut. 2008-mi Nunarput qipoqqartassinneqanngitsoorpoq, naak ilisimatuussutsikkut misissuinikkut paasisat tunngavigalugit, Nunarput qulinik qipoqqartassinneqarpat, tamanna nungusaataanavianngitsoq oqaatigineqaraluartoq, KNAPK-mit nalunaarput.

Taamaattumik KNAPK-mit piumasarineqarpoq, Nunarput NAMMCO-mit arfattassinneqartalissasoq, soorlu Islandimi naalakkersuisut sapiiserlutik taama iliuuseqarsimasut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq