Arfanniat Greenpeace-kkut qamutilingajakkaat
Jaapanimiut kilisaataataat Greenpeace-milu uumasunik illersuiniaqatigiit gummibådiat qalasersuup kujalliup imartaani ullumi imminnut aporput.
Taama pisoqarpoq, jaapanimiut kilisaataataat arfermik pisaqarniartillugit Greepeacep gummibådianik siuningerneqarlutik akornusersorneqalermata.
Greenpeacep gummibådia umiarsuup siuninnguani arferup pisariniakkap tununnguani sukkaqaluni ingerlavoq.
Taamalu jaapanimiut kilisaataataata arfeq qamutiliffigaa, gummibådilu suamik suamik eqqunngisungalaaginnarlugu. Gummibådi kinnguvoq, inuttaalu immamut nilleqisumut nakkakaallutik, kingornali angallamminnut ikeqqipput.
Greenpeacekkut sapaatip-akunneri arlallit jaapanimiut ukiumoortumik arfannniartarnerat akiorniarlugu alaatsinaaqqissaarsimavaat akornusersorlugillu.
Sapaatip-akunnera kingulleq aamma Greenpeace-kkut gummibådiat jaapanimiut kilisaataannut aporsimanerarneqarpoq. Maannalugooq tamarmik imminnut pisuutittaqattaapput.
