EU parlamentimi ilaasortat nunatta arfanniartarnera pillugu akerleriinnik isummertarnerat aarleqqutigalugu, Aalisarnermut Piniarnermullu Naalakkersuisoq Finn Karlsen atorfilittanilu EU-mut paasisitsiniaallutik angalapput. Nunatta arfanniartarnera pillugu paasisitsiniaaneq qanoq imaqarnersoq Finn Karlsen aperaarput imalu akivoq:
- Erseqqissumik oqaatigaarput nunat EU-mi ilaasortaasut IWC-mi ataatsimoortumik taasisalernissaa kissaatiginartoq, tassa arfanniartarnerput EU-mi ilaasortat ilaannit akerlilersorneqarmat ilaannillu illersorneqarluni.
Nunatta arfanniartarnerata EU-mit tapersersorneqarnera pillugu Finn Karlsen paasitinneqarsimavoq.
- Tassa paasisitsissutigineqarpoq nunap inuiisa arfanniartarnerat sunnguamilluunniit akornuserniarneqanngitsoq. Arfattassatta ikilisinneqarniarnerat imaluunniit piniaqqusaajunnaarnissaat ataatsimilluunniinngooq anguniarneqanngitsoq erseqqissaatigineqarpoq.
Nunatsinni arfanniartarnerup aningaasarsiutigalugu ingerlanneqarnera Finn Karlsenip erseqqissaatigisimanerarpaa.
- Aammalu massakkut arferit neqaannik nerisinnaasarput 200 tonsit missaanniittoq suli pisariaqartikkipput nassuiaatigaara.
Taama nassuiaassinermut EU-rmiut paasilluarsimanerarpai, neriorsuuteqarsinnaanngikkaluarlutillu tapersersorneqarnissarput anguniarlugu sulianiuteqarumasut oqaatigaa.
- Nunap inuiiisa arfattassaanik kikilisaanissaq siunertaralugu siunnersuuteqartoqarnianngitsqo erseqqissaatigaat.
Finn Karlsen atorfilittanilu nunatsinnut sisamanngorpat utereeruni piniartunut aamma nassuaateqassalluni oqarpoq.