Arfanniartarnerput apeqquserneqarpoq

Sooruna Kalaallit Nunaata arfanniartarnini, Ruslandisulli nunat tamalaat arfanniarneq pillugu ataatsimiititaliarsuannut sukumiisumik nalunaaruteqarfigisanngikkaa? Aamma sooruna Kalaallit Nunaanni qoorortoorsorluni arfanniartarneq suli unitsinneqanngitsoq?

Folketingimi ilaasortaq Dansk Folkepartiimeersoq Christian H. Hansen nunanut allanut ministerimut Per Stig Møllerimut taama apeqquteqarpoq. Taama apeqquteqarneq killilimmik ilisimasaqarnermik tunngaveqartoq Piniarnermut Aalisarnermullu Pisortaqarfiup pisortaa Amalie Jessen naliliivoq:

- Una malugineqartariaqarpoq norskit japanimiulu arfanniariaasii uumasut nakorsaannit malinnaaffigineqaqqissaartarmata ilisimatuussutsikkut misissuiffigineqarlutik allattugaallutik nalunaarusiorneqartarlutillu. Uagut nunatsinni paasissutissat arfanniartartutsinniit pissarisarisarpagut, taakkulu aallaavigalugit IWC-mut nalunaarusiortarpugut.

Amalie Jessen oqarpoq nunatsinni arfernik piniariaatsit ilisimatuussutsikkut misissortinnissaannut periarfissaqanngitsugut uumasut nakorsaat arferit pillugit immikkut ilisimatuut amigaataammata. Qoorortoorsorluni tikaagullinniartarnerup qaqugu unitsinneqarnissaanut atatillugu apeqqutigineqarsimasumut ima Amalie Jessen naliliivoq:

-Qoorortoorsornerup ukiuni kingullerni killilimmik atorneqartarnissaa Naalakkersuisunit aalajangiunneqarnnikuuvoq. Piffinni anginerusunik qamutileqarfiunngitsuni neqissaqarniarnerlu eqqarsaatigalugu qoorortoorsorneq akuerisaavoq.

Amalie Jessenip erseqqissaatigaa nunatsinni atukkat taamaattut russinut allanulluunniit sanilliunneqarsinnaanngitsut.

- Arfanniariaatsit assigiinngitsorpassuupput. Nunatsinni arfanniariaatsit pingasuusut oqaatigisinnaallutigu. Tikaagullinniartarnerit tikaagullisaariartarnerit killilimmillu qoorortorsorneq. Qoorortoosornerup killilersugaanera ukiuni kingullerni annertusinikuuvoq. Nunani allani tikaagullinniariaatsinut atatillugu assersuuteqarutta, norskit qamutilinnik atugaasa assiginik uagut atugaqarpugut. Russit allanik atugaqarput, arfivinniartartullu soorlu Alaskarmiut japanimiullu allarluinnarnik atugaqartarput, taamaattumik piniariaatsimiit piniariaatsimut assersuussinissaq ajornakusoortarluni.

Christian H. Hansen-ip apeqquteqaataanut Per Stig Møller akissuteqarluni ilaatigut erseqqissaavoq nunatsinni arfattat IWC-mut ukiut tamaasa nalunaaruteqartarmata.

Nunanut allanut ministerip aamma erseqqisaatigaa nunatsinni qoorortoorsorluni arfernik pisaqartarnerit taamaallaat Tunumi isorliunerusunilu angisuunik angallateqarfiunngitsuni ullumikkut pisartut.

Ukioq manna tikaagullittassiissutigineqartut 175-iupput tikaagulliusaartassallu quliullutik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat