Arfanniartarneq akerlileqqugaat
Aningaasarsiutigalugu arfanniartarnermik akerliliinissamik, danskit nunanut allanut ministeriat, Per Stig Møller kajumissaarneqarpoq. Uumasut illersorniarlugit EU-mi ataatsimiisitaliaq kajumissaarisuuvoq.
IWC-p ataatsimeersuarnissaani tallimanngorpat aallartittussami, taasinissami Danmarki pilersaarpoq, aningaasarsiutigalugu arfanniartarnerup akuerineqarnissaa, uumasullu illersorniarlugit EU-mi ataatsimiisitaliaq isumaqarpoq, arfernik toqutsisarneq uumasunik naalliutsitsinerusoq.
Kajumissaarisuni allagaqartuuvoq socialdemokratineersoq, Dan Jørgensen.
- EU-mi ilaasortat ataatsimut oqariartuuteqartussaapput, Danmarkilu kisiartaalluni aningaasarsiutigalugu arfanniartarnissaq akuersaarpaa, Dan Jørgensen oqarpoq.
Arfanniartarneq 1986-imi inerteqqutaalerpoq, Danmarkilu EU-mi ilaasortani kisiartaalluni arfernik nungutaanissamik ulorianartorsiunngitsunik piniaqqittalernissamik siunnersuuteqassamaarpoq, Danmarkillu taamatut aalajangernera pissuteqarpoq Kalaallit Savalimmiormiullu arfanniartarmata.