Arfanniarneq pillugu EUp ikiornavianngilaatigut
Arfanniartarneq pillugu ataatsimiititaliarsua IWC qaammat tulleq ataatsimeersuassaaq tassanilu qanorluunniit aalajangertoqaraluarpat tamanna EU-miit malinneqalersaarpoq.
- EUmi ilaasortat ataasiakkaat arfanniartarneq pillugu isummersortarput. Kommissionip tungaaniit tamanna sammivallaanngilarput. Aalajangersimavugut arfanniartarneq pillugu oqallittarfinni aalajangiussat ataqqiniarlugit. Nunarsuaq tamakkerlugu tamanna maluginiarneqartarpoq uagullu IWCp aalajangernera maliinnassavarput, Maria Damanaki oqarpoq.
Skåleerutissanik oqalugiarnerni oqaatsit kusanartorpassuit aninneqartarput soorlu kalaallit kulturiannik ileqquinillu ataqqinninnissamut tunngasut. Imertarfiilli imaarneranni piviusunngortitsinissaq tullinnguukkaagat piviusut allanngortarput.
- Pingaaruteqarpoq EU-mi ilaasortat akornanni assigiinngitsunik isummersortarneq, aalajangiussalli akerlilersorsinnaanngilagut. EUp tungaaniit akuliuffiginianngilarput arfanniartarneq pillugu oqallittarfiup isummersornissaa, kommissæri oqarpoq, takusinnaanerarpaali marloqiammik inissittoqartartoq politikkili tassa taamaattarpoq.
