EU-p kalaallit nunaat savalimmiullu sinnerlugit nunat tamat arfanniartarneq pillugu aalajangersaasunngorniaraluarnera kalaallit nunaata ernumassutigisariaqanngilaa. Tamaatut allappoq danskit nunanut allanut ministeriat Per Stig Møller savalimmiormiut folketingimut ilasortaatitaannut Høgni Høydal-imut.
EU-p ataatsimoortumik, taamaattumillu Danmark-ip peqataaffigiligassaanik, arfanniartarneq pillugu politikkeqalernissamik kissaateqarnerata kingorna, Høgni Høydal apeqquteqarsimavoq.
-EU-mi isumaqatigiissutit savalimmiunut kalaallit nunaannullu atuutinngillat, taamaattumillu EU kalaallit nunaat savalimmiullu sinnerlugit aalajangiisinnaanani, Per Stig Møller akissummini allappoq.