Arfanniarneq aningaasarsiutitut nalinginnaaleraluttuinnarpoq
Aningaasarsiutigalugu arfanniartarnermik tapersersuisut Arfanniarneq pillugu Ataatsimiititaliarsuarmi, IWC-mi, ukioq-manna 2006-imi immaqa amerlanerussuteqassagunarput. Japanip naalagaaffiillu allat arfanniartarfiusut tamanna anguniaraat malunnarpoq. Taama allappoq aviisi Japan Times.
Aningaasarsiutigalugu arfanniartarneq 1986-imili inerteqqutaalermalli, Arfanniarneq pillugu Ataatsimiititaliarsuarmut nunat ilaasortat arfanniartarnermut akerliusut amerlanerussuteqartuaannarsimaput. Aviisilli Japan Timesip uumasunik illersuiniaqatigiit Tuluit Nunaanneersut isssuarpai, allalluni, aningaasarsiutigalugu arfanniartarneq kingumut akuerineqariartuaartoq.
Arfanniartarnerli amerlanerussuteqartunit akuerineqassagaluarpat arfanniartarnerup inerteqqutaanera kipitinneqassagunanngilaq. Amerlanerussuteqartummi to tredjedelii aatsaat akuersippata tamanna piviusunngorsinnaavoq.
Arfanniarneq pillugu Ataatsimiititaliarsuup ukiumoortumik ataatsimeersuarnissaa pissaaq juunip ulluisa 16-ianniit 20-iata tungaanut, naalagaaffeeqqani St. Kittsimi Nevisimilu ingerlanneqassalluni.
