Arctic Winther Games Alaskami Kenai-miissaaq

Arctic Winter Games Alaskap illoqarfiisa ilaanni Kenai-mi marsip aallartilaarnerani 2006-imi ingerlanneqassaaq.

Timersortartut kalaallit unammeqattaarnerni kisimik peqataanianngillat.

Nunatsinni Nunat Avannarliit siunnersuisoqatigiiffiat, NAPA, Nunatsinnilu timersoqatigiiffiit kattuffiat suleqatigiinnissamik isumaqatigiissuteqaqqammerput.

Alaskami ukiukkut unammisaqattaarnerni NAPA aliikkusersuinernik ataqatigiissaarisuussaaq, ullumi AG-ip saqqummernerani kultureqarneq timersornerlu pillugit saqqummersinneqartartoq Papiit taama allappoq.

Nuummi Arctic Winter Games 2003-imi ingerlanneqarmat unammisaqattaarnerit saniatigut iluatsilluartumik aliikkusersuisoqarpoq. NAPA-llu taassuminnga nangitseqqinnissani qilanaaraa.

Issittumi inuiaqatigiit assigiinngitsut akornanni aliikkusersuisarnerit aqqutigalugit attaveqatigiilernissaq NAPA-p siunertaasa ilagaat.

Nuummi innuttaasut kalaallit aliikkusersuinermi takutitassaannik tallimanngornermi marsip pingajuanni timersortartut eqqumiitsuliortullu Kenaimut aallannginnaranni takutisivigineqaqqaassapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat