Arctic Winter Games-qarnissami erinarsuut toqqarneqarpoq
Aaqqissuisut erinarsuusiortartunik unammisitsisipput, kina timersortartut naapisimmaarnisaannut naleqqunnerpaamik erinarsuusiorsinnaanersoq.
Ajugaasoq Karry Hesse-mik ateqarpoq, Canadap immikkoortortaani Albertami illoqarfimmi Grande Prairie-meersuulluni. Kulturimut pisortaq, Jackie Clayton, naapertorlugu, erinarsuusiaa "Rice Up" kalaallisuunngorlugu taaneqarsinnaasoq "Qaffagit" naliliisunit nuannarineqarpoq.
Clayton isumaqarpoq, erinarsuutip oqaariartuutaatigut, assigiinngitsorpassuartigut "qaffattoqarsinnaasoq", timersornikkut, kulturikkut inuiaqatigiinnilu.
Ajugaasoq, erinarsuusiaminik juulip aallaqaaataani siullermeerluni atuisussaq ima oqarpoq:
- Arctic Winter Games-imut erinarsuusiorneq uannut erinarsortartutut periarfissaasimavoq, uannit anginerungaartumut peqataanissamut. Erinarsuut allappara, inuit sapinngisaminnik tamakkiisumik takutitsinissamut inuttullu pitsaasinnaanermik takutitsinissamut qiimmassarniarlugit, siger Kerry Hesse.