Arctic Winter Games-imut nukappissat toqqarpaat
![](/sites/default/files/styles/image_934x467/public/article_images/fodbold_630_5.jpg?itok=lv85metc)
Nuna tamakkerlugu nukappissat arsaattartut sungiusaasuat Rene Olsen Yukonimi Whitehorse-mi Arctic Winter Games-imi unammeqataasussanik toqqaavoq.
Toqqarneqartut tassaapput 95/96-mi inunngortut, taakkulu saniatigut nukarliunerumaat sungiusaasup Kent Kielsenip toqqareerpai.
Toqqaanissaq sioqqullugu sungiusaqatigiisitsinissamut arsaattartut kattuffiat akissaqanngilaq. Klubbinili sungiusaasut periarfissaqarsimapput piukkussaminnik siunnersuuteqarnissamut. Siunnersuutit aasarlu GM-rtoqarnerani sungiusaasup takusai najoqqutaralugit toqqaaneq pivoq.
Nukappissaq nunatsinni sungiusimasaminnit allaanerusumi arsaattussanngorput. Nunatsinni timersortarfinnut sanilliullugit illup iluani arsaaffiit takinerupput. Aamma natersuarnik qalligaapput taamalu arsap ingerlannera nukersornarnerulluni.
- Taamaattumik pisariaqarpoq arsaattartut teknikkigissut qasujaallisarluarsimasullu toqqarnissaat, sungiusaasoq Rene Olsen oqarpoq.
Toqqarneqartut tassaapput:
Brian R. Kleist, Qaqortoq
Inuk Knudsen, Qaqortoq
Charles Petersen, Qasigiannguit/Upernavik
Hans Karl Olsen, Qeqertarsuaq
Lars Kleist, Qeqertarsuaq
Ari Hermann, Nuuk
Niklas Thorleifsen, Nuuk
Nick Reimer, Ilulissat
Lars Erik Reimer, Ilulissat
Taartissamaatit:
Målmand: Simon Thorleifsen, Ilulissat
Pauli Hermansen, Paamiut
Miki Kristiansen, Nuuk