Arctic Winter Games-imi unamminerit aallarteruttorput
marsip 06-at 2006 16:49
Arctic Winter Games-imut Alaskami ingerlanneqartumi, akunnialunnguit qaangiummata kalaallit ilaannut unamminerit siulliit aallartipput.
Ilaatigut arsaattut, nerrivimmi arsaarartut sulorartullu maannakkorpiaq unammipput. Piffissaq eqqarsaatigalugu Alaskami akunnernik arfinilinnik uagutsinnit kingulliupput, taamaammallu unamminerit massakkorpiaq ingerlanneqaleruttorput.
Kalaallinit peqataasunit nalunaarutigineqarpoq, ippassaq unnukkut isaaneq peqataaffigalugu tupinnaannartumik nuannersimasoq.
Kalaallit unammiartortut kalaallit erfalasuannik tigummiartoq siulersortigalugu isaammata inuit 1.000-t missaanniittut ersaattaassimasut oqaatigineqarpoq.
Erfalasumik tigummiartuuvoq sulorartartoq Mille Kongstad Qaqortuminngaanneersoq.
