Arctic Winter Games-imi unammiartortut uterput
Kalaallit Nunaannit unammiartortut 48-inik medajlannallutik ulllaaq kangelussuarmut tikipput. Kalaallit unammiartortut 18-inik guldinnapput, sølvit 15-it taamatullu bronzit 15-it. Issittumi timersorluni unamminermi Arctic Winter Games-imi kalaalli aatsaat taamak amerlatigisunik medaljannapput.
Inuulluaqqussallusi tussunngunarpoq, ingerlaqqinnissassinnik ajunnginnerpaamik kissaappassi, taamaallillunga Arctic Winter Games 21-issaannik ingerlanneqarneqarata naammassinneqarnera nalunaarutigaara, Arctic Winter Gamesip præsidentia Gerry Thick, unammersuarnerup naammassinerata malunnartinneqarnerani taamatut oqarpoq.
Issittumi nunallit timersuutinik unamminissaat Arctic Winter Games tulliani ingerlanneqassaaq Canadami illoqarfimi Whitehorse-mi naalagaaffimmi Yuconimi. Naggataarnersiornermi ippassaq pisumi Arctic Winter Gameseqarnerani erfalasoq Whitehorse-mi sinniisunut tunniuneqarpoq.
Arctic Winter Games naggataarnersiorneqarnera ippassaq naammassineqammiinnartoq kalaallit unammiartortut mittarfiliaanneqarput, Air Greenlandip timmisartuanit Kangerlussuarmukaaneqarlutik.