Arctic Umiaq Linep siunissaa nalorninartoq

Nunatsinni angallassinerup nutaamik ilusiligaanera imaatigut angalatitseqatigiiffimmik Arctic Umiaq Line-mik ajoqusiivoq.

-Namminersornerullutik Oqartussanik nutaamik isumaqatigiissuteqanngitsoornitsigut nappaterput pingaarneq annaavarput piaartumillu immikkut ittumik ataatsimiigiaqqusisariaqalerpugut.

Taama nalunaarpoq Arctic Umiaq Line A/S-ip siulersuisuini siulittaasoq Niels Kreutzmann.

Arctic Umiaq Line A/S aktieselskabitut ingerlatsiviuvoq piumasaqaataavorlu niuernermi atugassarititaasut nalinginnaasut malillugit ingerlanneqassasoq. Taamaattumik Namminersornerullutik Oqartussanit kiffartuussinissamik isumaqatigiissuteqanngit-soornerup kingunererataannaavaa suliffeqarfiup matuneqarnera.

-Pissutsit atuutilersut aallaavigalugit sulisunik soraarsitsisariaqalernissaq avaqqunneqarsinnaagunanngilaq. Pissutsilli taama nutaatigitillugit tamanna suli erseqqissumik oqaatigiuminaappoq, Niels Kreutzmann radioaviisimut oqarpoq, isertuarnaguli pisut nutaat suliffeqarfimmut ilungersunartumik kinguneqariaannaanerat aarlequtigigini.

Arctic Umiaq Line A/S-imi inuit 120-t sulisorineqarput.

-Takornariartitsinermi periarfissaqarpoq, kisianni maannakkorpiaq suut tamarluinnaasa nalilersoqqissaartariaqalerpavut, Arctic Umiaq Line A/S-ip siulersuisuini siulittaasoq Niels Kreutzmann quarsaarsimaqisoq taama oqarpoq.