Arctic Umiaq Linep siunissaa nalorninarpoq

Arctic Umiaq Linep amigartoorfiulluni ingerlaannarallarnissaa Naalakkersuisunit sillimmasiiffigineqassanersoq, suli paasinarsinngilaq.
novembarip 03-at 2010 13:27

Umiarsuarmik sinersorluni Nunatsinni angallassineq piaartumik matugaanni imminut akilersinnaanerussasoq, Angallassineq pillugu Isumalioqatigiissitap innersuussutigaa.

- Angallisseriaaseq taamaattoq qanoq sivisutigisumik attatiinnarneqassanersoq nalunarallarpoq, aamma amigartoorutinut matussusiisarneq qanoq annertutigissanersoq nalunarluni. Taama oqarpoq Naalakkersuisut siulittaasuat Kuupik Kleist.

Naalakkersuisut siulittaasuata oqaatigisinnaannginnerarpaa amigartoorutissanut sillimmasiisarneq ukiuni qassini ingerlaannassanersoq, tassami Angallassineq pillugu Isumalioqatigiissitap nalunaarusiaata naammassinissaa utaqqineqarmat.

- Umiarsuarmik angallassineq qanoq sivisutigisumik atassanersoq pillugu ulluliisinnaanniglanga, Kuupik Kleist oqarpoq.

Angallannermut aaqqissuusseqqinnissaq ataatsimoorussaq angorusunneqartoq, aamma inatsisartuni allanilu oqallisigineqarnissaa angorusunneqartoq Kuupik Kleistip oqaatigaa.

Piginneqatigiilluni ingerlatsiviit, soorlu Arctic Umiaq Line, Naalakkersuisut siulittaasuata akisussaaffiinut ilaapput.