Arctic Umiaq Linemi sulisut akissarsiaat iliorfiginiarneqalerput
Arctic Umiaq Line-imi sulisut tigummiaannarusullugit akissarsiat iliorfiginiarneqalerput.
Arctic Umiaq Line januaarip aallaqqaataani namminersortunngorsarneqarsinnaassanngippat, taamanikkussamut sulisorineqartut pingasoriaammik annertutigisumik akissarsiumaarput, tassa imatut paasillugu: Qaammammusiat pingasut assigisaannut sulisut akissarsiumaarput, Arctic Umiaq Line-imi siunnersortaaneq Jens Hesseldahl oqarpoq.
- Kiffartuussinermut isumaqatigiissutip januaarip aallaqqaataani atuukkunnaartussaq naammassiniarlugu sulisut akissarsiaasa ilaneqarnissaat siunniupparput. Siunissaq taama nalunartoqartigitillugu isasuussanngikkutta taamaaliortariaqarpugut. Pisortaagallartoq oqarpoq.
Aamma oqarpoq, sulisunit tapersersorneqarluni misigisimallugu, ilaatigut atsiortitsiortortoqarneratigut. Soraarniutit ikittuinnaat Namminersornerullutik Oqartussat namminersortunngorsaanissamut siunniunneqarnerminnik saqqummiussinerisa kingornatigut saqqummiunneqartut allanik peqquteqarsinnaanerarpai.
