Arctic Umiaq Line unissagaluarpat utoqqaat ernumapput

juulip 15-at 2005 10:37

Arctic Umiaq Linep ilaasartaatai unitsinneqassappata nunatsinni inuppassuit eqqorneqassapput, pingaartumik utoqqaat. Utoqqaat Avannaamioqatigiit 116-it missaanniittut Upernavimmit Kangaatsiaq ilanngullugu Ilulissani ulluni makkunani katersuuttut taama nalunaaruteqarput.

Taamaattumik piumasaqaatigaat sinersortaatinik angalatitsineq unitsinneqassanngilluinnartoq.

Avannaani naapeqatigiittarnertik pisariaqarteqisartik peqqinnartoq soqutigisanillu oqalliffigisartagartik annaassallugu aamma aarleqqutigaat. Taamatuttaaq gruppikkaarluni angalatitsisartut eqqorneqarnissaat aarleqqutigaat.

Utoqqaat Avannaamioqatigiit qisuariarnerat, naalakkersuisut siulittaasuannit Hans Enoksenimit ulluni makkunani Niaqornaniittumit oqaa-seqarfigitinniaraluaratsigu oqaaseqarumanngilaq.

Oqaatigaali Arctic Umiaq Linep siulersuisui al-laffigisimagini piaartumik ataatsimeeqqullugit.

Siulersuisuni siulittaasoq Niels Kreutzmann sulinngif-feqarluni peqanngimmat ajoraluartumik aamma oqaaseqartissinnaanngilarput.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk