Arctic Umiaq Line sinneqartoorpoq.

Arctic Umiaq Line-p 2004-mut ukiumoortumik nalunaarusiaa ippassaq saqqummiunneqarpoq, takuneqarsinnaavorlu akileraarutit peereerlugit 2,5 mio.kr.-nik sinneqartoortoqarsimasoq.

Ukiumut siulianut naleqqiullugu 3,3.mio.kr.-nik annikinnerusumik sinneqartoortoqarpoq.

Ilanngaatissat ilanngaatigereerlugit, suliffeqarfiup 2004-mi kaaviaartissimavai 133,8 mio.kr.nit, 2003-mut naleqiullugu siuariarneqarsimavoq 6,8.mio.kr.nik.

Kaaviaartitat amerlisimanerinut pissutaatinneqarpoq ilaasartaatinut bilitsinik tuniniaasimaneq, aammalu takornarianik angallassinerit amerlisimaneri.

2004-mi ilaasartaatinut ilaasimasut 6700-nik amerlanerusimapput. Ukioq kingulleq umiarsuarnut ilaasartaatinut ilaasimapput 87.000-it.

Annermik sinerissami ilaasartaatit ilaasoqarnerusimapput, 60.000-it ilaasimammata.

Namminersornerullutik oqartussat sullissinissamut isumaqatigiissutaanit aningaasaliissutit appartinneqarsimaneri, ukiumut nalunaarummi aningaasanik isertitat ikinnerunerinik pissuteqartoq Arctic Umiaq Line-mit oqaatigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat