Arctic Umiaq Line naggammik nunaqarfinnut angalavoq

Arctic Umiaq Line-p nunatsinni nunaqarfinnut tamanut imaatigut ilaasartaatai tassaasut Qeqertarsuup tunuani Nukaaraq Ittuk, Kujataani Aleqa Ittuk aamma Aviaq, Ittuk ukiumi nutaamiit pisarnertik malillugu angalajunnaarput, umiarsuaaqat tunineqareermata.

KNI Pilersuisup Nukaaraq Ittuk pisiarigaa, Narsarsuarmi umiarsuaatileqatigiit Blue Ice Explorer-ip Aleqa Ittuk pisiaraa, kiisalu Aviaq Ittuk Disko Line-mit Ilulissaneersumit pisiarineqarpoq.

Umiarsuaatileqatigiiffiup Arctic Umiaq Line-ip siusinnerusukkut ilisimatitsissutigaa Aviaq Ittuk kujataani angalassammat, januaarip arfineq pingajuata tungaanut attartussallugu. Aviaq Ittuk ullumikkut Nanortallip pigisaaniippoq. Aqagu Qaqortumut uteruni, aqaguagu naggammik Nanortaliliassaaq.

Sapaatiuppat januaarip arfineq-pingajuani Aviaq Ittuk Igalikuliassaaq Qaqortumullu uteruni kujataani nunaqarfinnut aqqaniliusunut angalanini taamaalilluni naggasissavaa.

Nunatsinni nunaqarfimmiut siunissami KNI-p assartuutaanut ilaaniartalissapput, nunarfinnilu niuertunut billitsisiniartalissallutik.

- Ajoraluartumilli billetsit nutaat atulertussat nunaqarfinnut suli anngutinngillat, KNI´p ataani nunaqarfinnik kiffartuussinermi siunnersorti Nikolaj Ananiassen oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat