Arctic Team Challenge sakkortunerarpaat

Arctic Team Challenge sakkortooq Tasiilami inger-lanneqarmat qaqqat ilaata sermiata mangernera, Ilulis-saneersut Team ACG Ilulissat uniinnarnerannut pis-sutaavoq.

Ingerlaarfiup ilaaniipput qaqqat Mittivakkat 1000 miiterit missaannik portussusillit. Team ACG Ilulissat, taakkunani siuttup Finn Siegstad-ip, ullut sisamassaat ingerlareerlutillu ima pisoqarsimanera oqaatigaa:

- Nalunaaquttap akunnerini 16-ini uninnata ingerlaareerluta seeqqora ajortikkami ingerlaqqinneq ajulerluta, taamaaleriarmat aalajangerpugut seeqqora ajornerulertinnanga uniinnarniarluta. Finn Siegstad nassuiaavoq.

Aamma oqarpoq, unamminermit ilaajunnaarnerminnut piareersarluarsimannginnertik ilaatigut peqqutaaqataasinnaasoq.

- Imaassinnaavoq, kisianni tupaallanngikkaluarpunga ilimagigakku unamminerup sakkortunissaa. Seeqqukasima ujalua suatungaatigut ajortinnerpoq, qinngarnalaarami. Finn Siegstad oqarpoq.

Unammineq sakkortooq imaannaanngitsoq ima nalilerpaa:

- Timitsinni malugisinnaavarput sivisusoq, taamaammat massakkut aaqqikkiartuaarusaartunnguuvugut. Taama oqarsinnaavugut. Team ACG Ilulissat-ni siuttoq Finn Siegstad Tasiilamit ullumi taama oqarpoq.

Arctic Team Challenge-mi peqataasut katillugit quli-ngiluaapput nunatsinneersut aatsaat taama amerlatiga-lutik tallimaallutik.